SCUBAsurero

image-30

SCUBAsurero. A frogman from the Phil. Coast Guard (PCG) piles up a basketful of rubbish hauled out from the coast of Legazpi City as the world marks World Water Day on Friday (March 22, 2013). 

Photo Release: March 22, 2013

News

Mga Troso Kumpiskado sa Camarines Norte

     Parte kan maigot na implementasyon kan leye mapadapit sa kapalibutan asin regulasyon pag gamit kan rekursos naturales kan rehiyon, maabot sa 94 pidaso nin tablon o may kabilugan na 3,475 board feet o 8.19 cubic meters an nakumpiskar kan PENRO Camarines Norte kan July 26-30, 2015 sa mga barangays kan Matanlang asin Calabasa, Camarines Norte.

     Sa  report na isinumiter ni Forester Nestor B. Mata, inabot nin limang aldaw an saiyang team antes na marekober an mga kahoy nin huli sa delikadong sitwasyon na saindang kinahampang. Enot na nadiskubre kan grupo kan Hulyo 26, 2015 an maabot sa 70 abandonadong tablon asin round logs harani sa Labo river sa Brgy. Matanlang. Tolos man na naghagad nin akuder an grupo sa Phil. Army na nakabase sa Brgy. Calabasa, Labo asin Kadagdagan sa grupo. Mantang harayo sa site para sa saindang lunch break an mga army escorts, pigharass suboot an mga naghahakot nin kompiskadong kahoy nin mga persona na armado nin bolo o sundang kun kaya napiritan an grupo na maghale. Siringman, ipinagpadagus kan grupo an operasyon hasta Hulyo 30 sa tahaw kan kadipisilan siring sa pagkawara asin pagkuriyat sa manlaen-laen na lugar kan mga kahoy nin huli sa pagbalo kan dae maidentipikar na persona na maitago an mga ini. Kinaipohan man na mag arkila nin chainsaw operators ngani na ire-size an mga kahoy para sa mas marikas na paghakot.

     May kabilugan na 94 tablon o flitches nin Phil. Mahogany Group o PMG species an narekober asin naka-stockpiled sa PENRO Cam. Norte asin nin huli ta mayu nin claimants, pigrekomendar man kan grupo an tolos na administrative confiscation proceeding asin disposal kan mga ini.

     Enot man na nagtao nin direktiba si DENR Regional Director Gilbert C. Gonzales sa mga Field Offices kan DENR na pakusugon pa an kampanya kontra sa illegal logging asin panimbagon an gabos na nagbabalga sa forestry laws.

Photo Releases

Other Links

  • office-of-the-presidentofficial-gazette

    embmgbfmblmbbmberdb