DENR Nagpabuhi Ki Pawikan Sa Milagros Masbate

Sarong nasapod na pawikan an pinabuhian kan Community Environment and Natural Resources Office (CENRO) Masbate sa sitio. Nabulwang, Barangay Marangasan, Milagros, Masbate. 

Pinangenotan ni CENRO Jerry Arena kairiba an mga Wildlife Enforcement Officers kan lugar an pag-tag asin pagpabuhi sa babaying green sea turtle sa kadagatan kan milagros.

Sinabi ni CENRO Arena na an pawikan itinaong kwenta kan Milagros Philippine National Police Office sa pamamayo ni P/Senior Insp. Ariel Neri. 

Sosog sa impormasyon kan Biodiversity Management Bureau kan D-E-N-R Bicol, an nasabing green sea turtle iyo an pangatulong kaparehong species na nasapod sa banwaan kan Milagros. 

Mantang saro pang hawksbill turtle an naibalik sa natural na eerokan kaini sa Buntod Reef Marine Sanctuary sa syudad kan masbate.

Sa laog kan duwang quarto kan taon, apat na pawikan na an napabuhian liwat sa saindang natural habitat sa probinsiya kan Masbate segon kan Myrna Bailon, hepe kan wildlife section kan B-M-B Bicol.

Broadcast Release: May 27, 2014