Saringaya Awardees Ngonyan Na Taon Nagkapirili Na

PORMAL NA TATAWAN NIN HONRA KAN DEPARTMENT OF ENVIRONMENT AND NATURAL RESOURCES (D-E-N-R) BICOL AN MGA PERSONA SAKA INSTITUSYON NA NAMAMANSAY SA PANGANGATAMAN KAN KAPALIBUTAN KATAKOD KAN TAUNAN NA PALIHANG SARINGAYA.

NGONYAN NA TAON, AN MGA TATAWAN NIN PAGMIDBID IYO SINDA EDNA SAN JUAN BALANE, MUNICIPAL AGRICULTURIST KAN GOBYERNO LOKAL NIN CABUSAO, CAMARINES SUR DAHILAN SA ADBOKASIYA NIYANG “CLEENER, GREENER AND HEALTHIER CABUSAO” NA NAKATOTOK SA PAG-PROTEHIR, PAGREHABILITAR BUDA PAGPALANGUBO KAN KAPALIBUTAN SA SAIYANG RONA.

GOBYERNO LOKAL KAN PILAR, SORSOGON SA PAMAMAYO NI ALKALDE DENNIS SY-REYES, SA KATEGORYANG GOBYERNO LOKAL, SA SAIYANG PAGTUTULOD NIN MARAHAY NA PANGKABUHAYAN SA BANWAAN SA LADO AGRIKULTURAL, PAGSISIRA, HANDICRAFT KAUBAY NAMAN AN TAMANG PAGPANGATAMAN SA KAPALIBUTAN.

UNIBERSIDAD NI SAN ANTONIO O USANT SA SYUDAD NIN IRIGA SA KATEGORYANG AKADEMIA, NA NANGONGOROG SA PAGSALAK NIN ISYUNG PANGKAPALIBUTAN SA PAGTUTUKDO, CURRICULA SAGKOD MANEHAMIENTO.

BACOLOD ELEMENTARY SCHOOL KAN JUBAN, SORSOGON SA MADAHOM NA EDUKASYON PANGKAPALIBUTAN NA PINAGSALAK SA KURIKULUM KAN ESKWELAHAN.

DEPARTMENT OF EDUCATION – DIVISION OF SORSOGON, SA KATEGORYANG OTHER GOVERNMENT AGENCY, NA KON SAEN AN NASAMBIT NA OPISINA NANGONGOROG SA PAGPAPA-OTOB NIN PROGRAMANG PANGKAPALIBUTAN.

ENERGY DEVELOPMENT CORPORATION O E-D-C, SA KATEGORYANG DAKULANG INDUSTRIYA, SA NAGKAKANIGONG PAGMANEHAR, PAG-PROTEHIR DANGAN MABANSAY NA PAG-OTOB SA MGA PINAGBOBOOT KAN SAINDANG ENVIRONMENTAL COMPLIANCE CERTIFICATE.

ABOITIZ POWER RENEWABLES, INC. MULTI-PARTITE MONITORING TEAM O M-M-T, NA IYO AN NAGSERBENG BANTAYAN NIN MAGAYON NA PAGSUBAYBAY SA OPERASYON KAN POWER PLANT BUDA INI NAG-OOTOB SA MGA REGLAMENTO KAN D-E-N-R SA PANGANGATAMAN KAN KAPALIBUTAN. 

DANGAN, SI ROSALIA ENERIO, BARANGAY KAGAWAD KAN BUCALBUCALAN, SYUDAD NIN SORSOGON NA TATAWAN NIN PLAQUE OF RECOGNITION DARA KAN SAIYANG INISYATIBA NA ATAMANON ASIN SURUGON AN MGA SANGGATOS NA TAON NA POON NIN ACACIA BUDA MOLAVE NA NASA BAYBAYON KAN BAYA DE SORSOGON.

SINABI NI REGIONAL EXECUTIVE DIRECTOR JOSELIN MARCUS FRAGADA NA AN MGA NAPILING PERSONA BUDA INSTITUSYON NAKATALAAN NA RESEBEHON AN SAINDANG MGA PLAKE SA SEREMONYA NA MASARA SA BULAN NIN KAPALIBUTAN SA HUNYO 29 ALAS-3 NIN HAPON SA LA PIAZZA HOTEL, SYUDAD NIN LEGAZPI.

AN SARINGAYA SARONG TERMINONG BIKOLNON NA AN BOOT SABIHON IYO AN PAGTALUBO, PAGLANGUBO ASIN MAOGAY NA KAPALIBUTAN NA SUPAY NIN BERDENG MGA POON NIN KAHOY SAKA KABUBULDAN NA NAGKAKANIGONG BASYARAN NIN BIODIVERSITY O BUHAY-ILANG SAGKOD NASA BALANSENG ECO-SYSTEM.

Broadcast Release: June 25, 2012