DENR Matungkos Sa Pagpangataman Kan Rekursos Kan Kadagatan Para Sa Ocean Month, Biodiversity Day

AN YAMAN KAN NASYON SA BUHAY-ILANG O BIOLOGICAL DIVERSITY SA KADAGATAN AN MAGIGIN TAMPOK SA SELEBRASYON KAN BULAN NIN MAYO BILANG OCEAN MONTH SAKA MAYO 22 BILANG INTERNATIONAL DAY OF BIODIVERSITY (I-D-B-D).

SINABI NI ENVIRONMENT SEC. RAMON PAJE NA AN TEMANG "BUHAY DAGAT, BUHAY NATIN" PARA SA SELEBRASYON KAN NATIONAL MONTH OF THE OCEAN DANGAN "MARINE BIODIVERSITY" PARA SA I-D-B-D, IYO AN MATAO NIN DOON SA PAGBALANGIBOG KAN IMPORTANSYA KAN RECURSOS SA KADAGATAN KAN NASYON SA PAGSUSTENIR KAN BUHAY, KUN SAEN AN PAGDANAY KAN SARO NAKA-ATANG SA IBONG NA LADO.

IDINAGDAG PA NIYA NA AN DOBLENG SELEBRASYON SARONG PAAGI KAN PAGPALANGKAW KAN KINABATIRAN KAN PUBLIKO SA RELASYON KAN KADAGATAN SAGKOD TAWO.

TINAWAN NIN DOON NI PAJE NA AN PROTECTED AREAS AND WILDLIFE BUREAU (P-A-W-B) IYO AN NAG-OORGANISA NIN SARONG BULAN NA AKTIBIDADES NA MATUNGKOS SA MGA ISYU NA NAKAPALIBOT SA KONSERBASYON ASIN PANGANGATAMAN KAN REKURSOS BUDA BUHAY SA KADAGATAN ASIN MAS PINAKUSOG NA PRAKTIKAL NA LAKDANG ENTRI KAN MGA KABORONYOGAN O STAKEHOLDERS.

AN SELEBRASYON POPONAN SA MAYO 2 SA NINOY AQUINO PARKS AND WILDLIFE CENTER SA SYUDAD NIN QUEZON SA PAAGI NIN BIRISIKLETAHAN O AN TOUR OF THE FIREFLIES KAN FIREFLY BRIGADE. AN PAMAYO KAN D-E-N-R MANGENGENOT SA AKTIBIDAD KON SAEN INI MASULOT NIN AZUL NA BADO PARA SA "BLUE DAY CAMPAIGN" NA SARONG AWARENESS CAMPAIGN PARA SA KADAGATAN.

MAGKAKAIGWA MAN NIN UNDERWATER PHOTO CONTEST NA BUKAS SA GABOS NA AMATEUR SAKA PROFESSIONAL NA RETRATISTA NA KUN SAEN IPAPAHILING NINDA SA PAAGI NIN RETRATO AN KONSEPTO NIN OCEAN CONSERVATION. SA PAGTATAPOS KAN KICK OFF CEREMONY, SARONG EXHIBIT MAN AN IPAPAHILING SA PUBLIKO NA PAPARTISIPARAN KAN WORLD WILDLIFE FUND, CONSERVATION INTERNATIONAL, CORAL TRIANGLE INITIATIVE SAKA ASEAN CENTRE FOR BIODIVERSITY. 

KAIBANAN PA SA MGA AKTIBIDAD NA GIGIBUHON IYO AN SERYE NIN LEKTURA MANONGOD SA MARINE BIODIVERSITY, SAKA WORKSHOP SA MANAGEMENT PLANNING KAN MANILA BAY REGION SA MAYO 3-4, GREEN FINS CODE OF CONDUCT FOR RESPONSIBLE DIVING SA MAYO 10-11, NATIONAL CONSULTATION ON THE COASTAL LAW ENFORCEMENT MANUAL SA IKA-16 DANGAN UPDATE SA STATE ON THE COAST REPORT SA MAYO 28-29.

MIENTRASTANTO SA KABIKOLAN, ITATAMPOK MAN AN DUWANG ALDAW NA EXHIBIT SA MARINE BIODIVERSITY SA SM MALL NAGA CITY SA MAYO 22-23.

AN DEKLARASYON KAN BULAN NIN MAYO BILANG BULAN NIN KADAGATAN NAKAPALAMAN SA PRESIDENTIAL PROCLAMATION NO. 57 NA PINIRMAHAN NI DATING PRES. ESTRADA KUN SAEN IPIG-ATANG SA D-E-N-R BUDA DEPT. OF AGRICULTURE SA PAAGI KAN BUREAU OF FISHERIES AND AQUATIC RESOURCES AN PANGENGENOT SA MGA AKTIBIDAD NA MATUNGKOS SA PAGPROTEHIR ASIN PAGMANEHAR KAN RECURSOS KAN KOSTALES DANGAN KADAGATAN.

Broadcast Release: April 30, 2012