KAMPANYA KONTRA SA ILLEGAL NA PAGTROSO NAGIGIN MATRAYUMPO

NAGIGIN MATRAYUMPO AN KAMPANYA KAN DEPARTMENT OF ENVIRONMENT AND NATURAL RESOURCES (D-E-N-R) KONTRA SA ILLEGAL NA PAGTROSO SA TAHAW KAN PAGKAMUKNA KAN REGIONAL ANTI-ILLEGAL LOGGING TASK FORCE (RAILTF).

SOSOG SA IMPORMASYON KAN FOREST RESOURCES CONSERVATION DIVISION (F-R-C-D) KAN FOREST MANAGEMENT SERVICE (F-M-S), NAGKAIGWA NIN 192 OPERASYON KONTRA SA ILLEGAL LOGGING KAN NAKALIHIS NA TAON NA NAGRESULTA SA PAGKAKAKUMPISKA NIN MAABOT SA 476.2253 CUBIC METERS O 201,812.853 BOARD FEET NIN KAHOY/PRODUKTO GIKAN SA KABUBULDAN. AN ENTERONG KUMPISKADONG KAHOY NAPAMUGTAK SA VALOR NA 2,531,657.80 PESOS.

SEGON SA PERSONAHES KAN F-R-C-D, MAS KUMINUSOG AN KAMPANYA KONTRA SA ILLEGAL NA PAGTROSO KANSU MAMUKNA AN RAILTF KAN MAY 17, 2011 KON SAEN NAGIN KATUWANG KAN D-E-N-R AN KAPUPULISAN, FUERSAS ARMADAS, NATIONAL BUREAU OF INVESTIGATION (N-B-I), DEPARTMENT OF JUSTICE (D-O-J) DANGAN IBA PA.

SA NGONYAN, MAY SIYAM (9) NA KASO NA AN NAISANGAT SA KORTE KONTRA SA MGA SUSPETSADONG ILLEGALISTA. 

MANTANG MAY 24, 563 BD. FT. NIN KONPISKADONG KAHOY AN NAIDONAR SA DEPARTMENT OF EDUCATION (DepEd) SA 40 NA ESCUELAHAN SA REHIYON.

Broadcast Release: March 16, 2012