Mayon Volcano Camp Site Imamanihar Ka Nin L-G-U asin D-E-N-R

Mangengenot na an lokal na gobyerno kan Sto. Domingo, Albay na magmanehar kan Mayon Volcano Natural Park (M-V-N-P) camp site and Ecopark sa Brgy. Lidong, Sto. Domingo poon Enero 12, taon na ini.

Sosog sa kasunduan entre kan D-E-N-R asin L-G-U Sto. Domingo na pipirmahan ninda Regional Executive Director Joselin Marcus Fragada asin Alkalde Herbie Aguas, an L-G-U – magibo kan management asin Annual Operations Plans tangani lalo pang mapa-uswag maprotehir asin an mga pasilidades digdi mamantenir. Magpapadagos an pagbabantay sa nasabing parke kan Protected Area Superintendent (PASu). Hale sa pondong nagono sa entrance fees, 25 porsyento an mapapaduman sa IPAF o Integrated Protected Area Fund kan gobyerno nasyonal mantang 75 porsyento mapapaduman sa trust fund kan gobyerno lokal.

An M-V-N-P camp site and Eco-Park nasa pamitisan kan bulkan mayon sa lado kan brgy. Lidong, Sto. Domingo. Ini may hiwas na 35 ektarya sundo sa camp one kabaing an mga trail digdi. An 35 ektarya may hiwas siring sa 338 na basketball court. Kairiba sa mga aktibidad na pinag-oofricir kan parke iyo an camping, trekking, ecological tour, bird watching buda iba pa. Ini bukas sa publiko Lunes hanggan Domingo, 24 oras.

Broadcast Release: January 11, 2012