NGP Nilapwasan An Puntiryang 100 Mil Hektarya Kan 2011 Nin 17 Porsyento

Maabot sa 69.37 milyones na poon nin kahoy an naitanom sa maabot sa 117,688 na ektarya nin mahewas buda nakakalbo nang kabubuldan, o luminapwas nin disi-syete porsyento na sobra sa syen mil hektarya ki puntirya kan naka-aging taon.

Ini an pahayag ni Environment Sec. Ramon Paje sabay sa pagtao nin doon na an naunambitang akomplisimiento minakurit nin positibong ladawan para sa taon 2011 kon saen makakamtan o kon kaya malalapwasan an NGP target dawa ngani an implementasyon kan programa naipa-otob sa ika duwang quarto kan luminihis na taon.

Dara kan siring na bagay, an D-E-N-R ibubusol an pag-doble kan itinalaang target na 200,000 hektarya sa presenteng taon.

Sosog sa datos na kapot kan Departamento, maabot sa 567,324 na syudadano an nagpalista para suportaran an programa kon saen an mga ini nagtaranom ki mga poon nin kahoy durante kan naka-aging 2011.

An nagin mga paratanom ki poon nin kahoy naggikan sa manlaen-laen na sektor kan sosyedad, mga pribado buda pampublikong volunteers hale sa Ahencias De Govierno, escuelas, organisasyon sibiko kaubay na an simbahan katoliko, gobyerno lokal dangan mga nasa sektor nin pagnenegosyo.

Kasabay kaini, sa liwat na tinawan nin pagseguro ni Paje an minimum survival rate na 80 porsyento para sa mga itinanom na banhi na gamit an siyensya buda matanos na pamamaagi kan mga paraoma sa kabubuldan buda pagtalaan kan mga piniling ngp planting sites duman sa mga lugar na may naka-estar na komunidad na iyo an kukuanon para mag-mantener dangan i-

Seguro an paglangubo kan mga banhi sa mga posog na poon nin kahoy.

Broadcast Release: January 5, 2013