Hagyat Nin Patiribayan o Biodiversity Challenge, saru sa mga tampok na aktibidad para sa Earth Day Celebration

Parte kan paabot na  Earth Day Celebration na saru sa pinaka importanteng okasyon para sa kapalibutan sa Abril 22, an denr Region V nagprepar nin sarung  dakulang aktibidad na maikokonsiderar na saru sa mga  highlights kan okasyon, ini an pinagsararu na kompetisyon na may titulong Regional Biodiversity Challenge na may tema na “Watershed Eco-Trail Extreme Challenge: Think, Run, Execute and Enjoy” ini gigibuhon sa syudad nin Masbate sa Abril 22, 2015 na dedikado para man sa proteksyon kan tugbo watershed, tugbo, Masbate City.

Segun ki DENR Regional Director Gilbert C. Gonzales, an biodiversity challenge sarung time race kun saen an mga partisipante maagi nin mga hagyat o challenges pisikal o mental siring sa pagdalagan, pagkamada nin banhi, kayaking, monkey bridge, mangrove propagule planting, pagkonduser nin Information Education Campaigns (IEC) asin dakul pang iba pa. An mga participantes kaini hale sa DENR Offices, pribadong grupo o organisasyon  na enot naman na nagsumiter nin entry bago mag marso 10 kan presenteng taon . Compowesto an lambang team nin tolong miembro, (2 lalaki asin 1 babae) na nag agi sa magkakanigong medical screening ngani man na masierto na nasa maray na salud an lambang partesipante para sa aktibidad.


Darakulang cash prizes man an maiuuli kan mangagana sa patiribayan na ini an mangagananang team makakaresibe nin 20 mil pesos bilang 1st  prize,15 mil sa 2nd  prize asin 10 mil para sa 3rd prize.

Sa banggi nin Abril 22, nakatalaan man an pasali o concert na may titulong ‘Enviro-Rock Awareness Concert’ na gigibuhon sa Magallanes Coliseum, Masbate City, ala sais nin banggi.

Pigtaw an nin duon ni DENR Regional Director Gilbert C. Gonzales na an 4th Biodiversity Challenge na isasagibo kan DENR Regional Office may katuyuhana  na ibalangibog sa publiko  an importansya kan kapalibutan asin masabutan man urog na kan mga partisipantes hale sa man iba ibang sektor an mahalagang papel kan d-e-n-r sa pangataman kan kapalibutan.

Broadcast Release: March 27, 2015