Project launching kan Brgy Forest sa Albay, nagin Matrayumpo

Maabot sa 197 barangays sa probinsya nin Albay an mabibiyayaan kan Brgy. Forest Program, sarung reforestation program sa lindong kan National Greening Program. Sa nagin mensahe ni Sec Ramon Paje, tolong puntos an saiyang pigtaw an nin duon; enot, dapat halion an kahugakan, panduwa, an daga na eyu an maikukunsiderar na  best capital, asin an pantulo, an tunay na pag asenso kan nasyon nakadepende sa lokal na gobyerno. Segun paman sa sekretaryo, an siring na mga program na  ipigbubulos sa Albay, saiyang tabang sa probinsya, daeng halong politika asin  kamaw otan kaini na magin productibo an kadagaan  partikular kan  Albay.

Sa presente, kabilugan na 1665 ektarya kadagaan na an na survey para sa BFP sa 197 brgys na igua man nin 900,339 seedlings. Padagus paman an pighihingua kan ahensya na maabot an maabot sa 2000 ektarya ngani na matanuman nin kakahuyan sa bilog na probinsya.

Pig eenganyar man ni DENR Regional Director Gilbert C. Gonzales an lambang recepienteng brgy na mag alokar nin 20% nin ira bilang suporta sa programa. Sinabi pa ni RD Gonzales na napapanahon man an siring na programa urog na pirmi na pigbibisita nin mga kalamidad an probinsya. Baku sanaman sarung lakdang ini para sa paghampang sa pabag o bago na klima kundi maprotehiran lalo na an mga costal na communidad sa posibilidad nin storm surge.

Segun ki Albay Gov Joey Salceda, dahil man sa padagus na pagtanum nin kahoy  sa Albay, nadugangan nin 88% an forest cover kan Albay nin huli namn sa mga reforestation program arug kan National Greening Program sa tabang man kan DENR sa paagi nin strikto na monitoring asin management expertise.

Broadcast Release: March 9, 2015