Mga aktibidad para sa selebrasyon kan world wildlife day, kasado na!

“It’s time to get serious about wildlife crimes”, ini an napapanahon na tema para sa taunan na selebrasyon kan “World Wildlife Day” sa ngunian na Marso 3, 2015.

Tampok sa sarung aldaw na okasyon an simpleng programa asin mga aktibidad na pigpreparar kan DENR V dangan isasagibo sa Albay Park and Wildlife sa brgy. Bogtong, Legaspi City. Mapoon an programa sa paagi nin banal na misa, alas otso emedya nin aga, susundan nin seremonya para sa “Climate Change Adaptation Pledge of Commitment” na pangengenotan ni Ms. Cheryll o. Rebeta, Park Manager, APW. Matao man nin mensahe sinda PBM Job Belen, Chairman, Committee on Environment and Natural Resources, Gov. Joey S. Salceda kan Albay asin Engr. Gilbert c. Gonzales, regional director kan DENR V. Maserbe na ‘highlight sa okasyon an “launching of megamouth shark for viewing” sa paagi kan taskforce megamouth sa irarum kan pamamayo ni Mr. Arnold S. Embestro, Taskforce Chairman. Magkakaigwa man nin “animal mascot parade with the band asin orientation /viewing of different exhibits of wildlife flora and fauna” na ihahatud kan DENR V.

An United Nations  General Assembly  durante kan 68th Congress  kan Desyembre 20 2013, pormal na pigproklamar an Marso tres bilang World Wildlife Day. An partisipasyon kan bilog na nasyon sa okasyon na ini, parte man nin pagpaheling nin suporta o “commitment” kan Pilipinas sa Convention on International Trade in Endangerred Species of Wild Flora And Fauna [CITES], na sarung kasunduan o tratado na pinag adaptar kan 1973 ngani na magkaigwa nin regulasyon sa lagduan na commercial trade nin mga hayop asin tanum sa bilog na kinaban.

Broadcast Release: February 26, 2015