Sustainable Coral Reef Ecosystems Management Program (SCREMP) Implementors naglilibot na sa Costal na mga Barangay sa Albay ngani na ibalangibog an programa

Nagpuon na an serye nin orientations sa mga brgy. sa tersir distrito na masasakop kan SCREMP. Kan Marso tres, pinangenotan kan duwang grupo na compowesto kan Provincial Government of Albay [PGA] asin kan mga personahes kan DENR Region V, magkatabang na isinagibo an SCREMP orientation sa brgy. Catburawan, sakop kan Ligao City, bilang pangenot na lakdang ngani na mas masabutan kan lambang stakeholders an SCREMP urog na an mga significanteng components kaini. Pig atendiran an pagtiripon kan pitong Peoples Organizations, NGO asin mga opisyales kan apat na coastal na brgy. sa Ligao City kun saen nagkaigwa man nin mga workshops ngani na mas urog pa na magin sustenableng pangangataman kan coral reefs kundi kan bilog na marine ecosystems sa pangkagabsan.

Makalihis an Stakeholders Orientation sa banwaan nin Ligao, mapasiring an grupo sa mga banwaan nin Oas, Pioduran asin Libon. Segun ki Ms. Hilda Lopez, Coordinator on Fisheries kan PGA, ngani na masustiner an programang SCREMP, tolong components an sa sindang tututukan sa isinasagibong orientations, ini an Social Mobilization, Marine Protected Area [MPA] Networking asin Alternative Livelihood.

           Katabang kan DENR an manlaen laen na sector sa pagpautob kan SCREMP, siring kan Provincial Government of Albay asin Bicol University na iyo an nagsasagibo nin Habitat Vulnerability Assessment. Maabot sa 23 coastal brgy. sa West Coast kan Albay an mabibiyayaan kan programang ini.

Broadcast Release: March 5, 2015