Pinakadakulang Refo Program para sa mga Brgy., Ilalansar sa Albay

Maabot sa 210 brgys. sa Albay an target para sa implementasyon kan Brgy. Forest Program sa lindong kan pinakadakulang reforestation program sa termino ni Pres. Benigno Noynoy Aquino III, an National Greening Program o NGP. Sa Marso siete, aldaw nin Sabado ipigtalaan an project launching kan Brgy. Forest Program sa Albay Astrodome, Legazpi City kun saen formal na ipipresentar an mga brgy. sa Albay na recipientes kan programa kasabay naman an ceremonial MOA signing. Aatinderan an naunambitan na okasyon kan mga partner LGU sa pangengenot ni Hon. Gov. Joey Salceda. Piglalaoman man an pag abot kan Bicolanong Sekretaryo kan DENR, Sec. Ramon Paje para sa nasabing okasyon bilang guest speaker. 

Segun ki Regional Director Gilbert C. Gonzales, sa presente, nakapagconducer na nin assessment asin survey na maabot sa 183 brgys. na masasakob kan 1,665 ektarya na target para sa BFP sa Albay asin padagus pa man an opisina sa paghinguwa katabang an mga bag ong hired na Extension Officers ngani na maabot an saindang target na 210 brgys. Nakapagkonducta naman nin serye nin orientations sa nakakasakop na municipyo mapadapit sa programa.

An Brgy. Forest Program o BFP, parte kan National Greening Program, na nacrear suno sa EO 26 kan 2011, sarung priority program kan presenteng administrasyon na igua nin kamawutan na makapagtanum nin 1.5 billion seedlings sa 1.5 billion iktarya nin kadagaan of public domain puon 2011 sundong 2016 sa bilog na nasyon.

Broadcast Release: March 2, 2015