Duwang Natural Park Naitala Sa Listahan Kan Asean Heritage Parks

An Mt. Hamiguitan Range Wildlife Sanctuary (MHRWS) asin an Tubbataha Reefs Natural Park (TRNP) sa Pilipinas an pinakabagong nadugang sa sa prestihiyosong listahan kan dulong mahalagang mga parke kan southeast asia.

Ipinagbareta ni Environment and Natural Resources Sec. Ramon Paje na inaprobahan kan mga ministro kan 10-miembrong nasyon kan Association of Southeast Asian Nations (ASEAN) an nomramiento kan duwang natural na yaman kan Pilipinas bilang ika-34 asin ika-35 na Asean Heritage Parks (AHP), durante kan i-15 na Informal Asean Ministerial Meeting on the Environment kan naka-aging bulan sa Vientiane, Lao Pdr.

Saiyang sinabi na nagkakanigo asin haloy nang dapat an designasyon kan TRNP asin MHRWS bilang mga Regional Heritage Park, an duwang parke enot naman na isinabay sa UNESCO World Heritage Sites.

Sa presente pito na an kabilogan na bilang kan A-H-P na gikan sa Pilipinas, an mga naenot ay an Mt. Apo Natural Park, Mt. Kitanglad Range Natural Park, asin Mt. Malindang Range Natural Park, gabos yaon sa Mindanao; an Mt. Iglit-Baco National Park sa Occidental Mindoro; siring man an Mount Makiling Forest Reserve sa Laguna.

Mientrastanto, sa kabikolan, an Mt. Isarog Natural Park sa Camarines Sur enot naman na nanomraran bilang Biosphere Reserve para mapabilang sa Man and Biosphere Program kan United Nations Educational, Scientific and Cultural Organization (UNESCO) asin man, an probinsiya kan Albay nagsasagibo na nin lakdang para manomraran an bulkan mayon bilang Biospehere Reserve kan parehong internasyonal na organisasyon. 

Broadcast Release: November 20, 2014