DENR Nagpatanid Laban Sa Pagkakan Kan Karne Nin Pawikan

“Maglikay na magkakan kan karne nin pawikan dahilan ta pwera ta ipinagbabawal ini kan leye an Republic Act 9147 o an Wildlife Resources and Conservation Act of 2001 pwera pa ta ini bako man ligtas kaunon”.

Ini an patanid ni D-E-N-R Bicol Regional Director Gilbert Gonzales kasunod kan insidente nin pagkalason nin sarong pamilya na nagkaon kan karne kan pawikan sa Irosin, Sorsogon.

Tinawan nin doon ni Director Gonzales na bako sana ta ipinagbabawal ang pagbono asin pagtitinda kan karne nin pawikan ini man bako ligtas kaunon patunay na an nagkapirang insidente nin pagkakalason matapos na magkakan nin karne nin pawikan.

Sa saiyang pahayag, sinabi ni R-D Gonzales na sa ngonyan may inisyal nang imbestigasyon an CENRO Sorsogon katakod kan insidente kun saen tolong (3) aki an nalason sa pagkakan kan karne nin pawikan sa banwaan kan irosin, mantang pinag-aadalan naman an pagpapanimbag sa mga nasa likod kan pagbobono nin pawikan asin pagrigaton kan karne kaini.

Mientrastanto, idinagdag pa kan pamayo kan D-E-N-R Bicol na tinugon niya na an Protected Areas and Wildlife Division para magsagibo nin I-E-C Campaign sa mga barangay na pigtutubudang may mga iligal gaweng pagbobono asin pagririgaton kan karne nin pawikan.

Sosog sa pag-aadal kan mga eksperto, an mga pawikan sarong klase nin predator na nagkakakan nin mga nakaka-udong na salabay o jellyfish, mga tayong o sea urchin, asin iba pang mga toxin sa dagat na nagkakawsa nin toxicity sa hawak kaini.

Kun kaya sa oras na kaunun an karne na igwang halangkaw na toxicity level ini pwedeng magdara nin kagadanon sa paagi nin pagka-udong.

Broadcast Release: October 23, 2014