DENR Bicol Binungsudan An Ecotourism Facilities Sa Cabusao

Inilunsar kasohapon kan Department of Environment and Natural Resources Bicol an Ecotourism Facilities sa Cabusao wetland sa Cabusao, Camarines Sur.

Sinabi ni D-E-N-R Regional Director Gilbert Gonzales na an mga pasilidad, kompuesto nin tourist center, bird hide asin boardwalk iyo an matao nin kaginhawahan sa mga turista na muyang magmansay sa mga migratory bird na parating nagbibisita sa Cabusao wetland.

Saiyang sinabi na an pagbubusol sa Cabusao wetland area bilang pangenot na bird watching site sa Bicol sarong lakdang tanganing mapalangkaw an kaaraman kan publiko sa mga migratory bird an kahalagan kan papel kan mga ini sa biological diversity siring man an nagigin tabang kan Cabusao wetland bilang pansamantalang eerokan ninda.

Sosog sa datos kan D-E-N-R Bicol, an mga migratory bird nagpopoon na magpasiring sa Cabusao wetland poon Oktubre sundo enot na semana kan Marso para pansamantalang mag-erok duman mantang taglipot sa western hemisphere.

An nasabing panahon man an oras para magdagsa an mga bird watchers sa nasabing lugar para magmasid sa iba-ibang klase nin bayong na gikan pa sa mga lugar sa Europa, Timog Amerika asin Sentral Asya.

Broadcast Release: October 8, 2014