DENR Bicol Nagpatanid Sa Kasulo Sa Kadlagan Ngonyan Na Tig-Initan

Sa pag-abot kan tig-initan, nagpatanid an Department of Environment and Natural Resources (D-E-N-R) Bicol sa mga insidente nin kasulo sa kadlagan, kasunod man kan mga kasulo sa bukid Banahaw buda San Cristobal sa mga probinsiya kan Laguna asin Quezon.

Sinabi ni D-E-N-R Bicol Regional Executive Director Gilbert Gonzales na mantang nakamamate an rehiyon kan tig-initan bako man harayo an posibilidad na magkaigwa nin mga kasulo sa kagdalagan kun kaya mas marhay na magin an publiko kaipuhan man na magin marigmat sa kasulo sa kabubuldan. 

Saiyang sinabi na an kasulo sa kadlagan pig-aapud na wild o grass fire igwang dara na pag-alaman sa kapalibutan. Dahil an sulo minadulot sa pagkawara kan mahalagang mga sustansya sa daga; minagadan sa mga saradit na pananom buda hayop na iyo an kawsa sa init nin daga na nakakawara sa nutrihino. 

Ipigsadol man ni RED Gonzales an mga mga dapat buda dai-dapat na gibohon para malikayan an kasulo sa kadlagan: arog kan gadanon an kalayo kan apos nin sigarilyo bago iapon; likayan an pagsulo sa babol o kaingin sa mga kaawagan; gumibo nin fireline o kasagkuran kan kalayo bago sumulo nin doot o mga alang na kahoy; gumibo nin kalot para suloan kan ati buda basura; kun nagsagibo nin "bonfire" iharayo ini sa kakahuyan - sigurohon man na palsok buda dae nang baga an loon bago ini bayaan. 

Kan naka-aging taon nagkaigwa man nin kasulo sa Mt. Mayon kun saen haros 50 ektarya nin plantasyon nin poon nin kahoy an nadanyaran.

Broadcast Release: April 4, 2014