DENR , Albay PGA Sarabayan Na Maselebra Kan Earth Hour 2014

Sarabayan na maselebra an Department of Environment and Natural Resources (D-E-N-R) Bicol, gobyerno probinsiyal kan Albay saka mga stakeholder kan earth hour sa Sabadong banggi Marso 29, 2014.

An D-E-N-R buda an lokal na gobyerno kan Albay sa paagi ni Gobernador Joey Salceda magkaka-iga nin sarong programa sa Peñaranda Park, syudad nin Legazpi para sa nasambit na selebrasyon, tatampokan nin kaorogmahan asin iba pa. 

Sinabi ni D-E-N-R Bicol Regional Executive Director Gilbert Gonzales na an siring na lakdang pakikisumaro sa milyon na mga tawo na nag-oobserba kan earth hour kada taon bilang pagtungkos sa isyu kan climate change sa paagi kan pagbabawas sa pagkonsumo kan enerhiya. 

Ipinaliwanag ni RED Gonzales na an pangkinaban na sarabayan kan pagpapalsok nin ilaw asin mga kasangkapan na nagkokonsumo nin kuryente poon 8:30 sagkod alas 9:30 nin banggi bako sana para sa pagtipid nin enerhiya kundi para sa pagtatakras kan inaabot na carbon footprint o an negatibong bunga kan pagkonsumo nin enerhiya na iyo an nakakadugang sa pangyari kan climate change. 

Enot kaini, nagtao na nin katugunan an D-E-N-R Bicol sa mga field office sa manlaen-laen na probinsiya kan rehiyon na hagyaton an mga lokal na gobyerno asin mga establisimento kan negosyo na magsabay sa obserbasyon kan earth hour. 

Taon-taon nangengenot an pilipinas sa mga syudad sa kinaban na may pinakadakul na partisipantes na syudadano sa earth hour, para sa pagbale o paglista kan iba pang inisyatiba katakod kan nasambit na okasyon, magduman sa webpage na http://wwf.org.ph/earthhour.

Broadcast Release: March 26, 2014