DENR Nagpatanid Sa Publiko Na Dae Ipagkonsederar Na Pagsadiri An Mga Lagalag Na Hayop Asin Pananom

Nagpatanid an Department of Environment and Natural Resources Bicol laban sa gawe nin ibang indibidwal na akoon bilang pagsadiri an mga wildlife species o linalang sa kadlagan sa rason na tumang ini sa lakdang kan gobyerno na pangatamanan an flora and fauna o an mga pananom asin hayop kan nasyon.

Tinawan nin doon ni Environment Sec. Ramon Paje na an trayumpo sa lakdang nin pangataman nakadepende sa gawe kan publiko sa pagpahalaga kan natura, kasabay kan patanid na an paggamit kan mga lagalag na hayop sa personal na interes dinadaog an dulong mahalagang papel kan mga ini sa pagmantenir kan balanse kan kapalibutan asin natural na siklo.

Segon kay Sec. Paje, an lyabe iyo an pagbago sa pagpahalaga sa buhay-lalag o wildlife kun saen dae dapat ipagkonsederar na pagrugaring an mga ini kundi bilang linalang kan kagurangnan na kagubay kan mga tawo na nabubuhay sa kinaban.

Sa tahaw kaini, tinawan nin doon ni Sec. Paje na mas pikapakusog kan ahensya an pagpuho sa iligal na barakalan kan buhay-lalag o wildlife na nagigin kontrabando sa smuggling bilang ataman, pagkakan o alternatibong medesina.

            Sa ngonyan nakikipagtabangan an D-E-N-R sa mga stakeholder sa pagpa-otob kan mga wildlife laws. 

Broadcast Release: March 10, 2014