DENR Ibubusol An Cabusao Critical Habitat Na Magin Ramsar Site

Ibubusol kan Department of Environment and Natural Resources Bicol an Cabusao Critical Habitat na maka-ubay sa minimidbid na Ramsar Site or Wetlands of International Importance.

Sinabi ni d-e-n-r bicol regional executive director gilbert gonzales pinag-aadalan na kan protected areas and wildlife division (paw-d) an posibleng pagkomple sa mga rekisitos para manomraran an cabusao na saro sa mga mahalagang wetland o latian kan nasyon.

Enot kaini, ipinahayag ni myrna bailon, o-i-c kan wildlife section kan paw-d na nasa proceso na an ahensya saka an gobyerno lokal kan cabusao para husayon an mga pangapangaipo na makamtan an mga talaan o standard kan ramsar convention on wetlands.

Makusog an paniniwala kan d-e-n-r bicol na sa oras na midbidon bilang ramsar site an cabusao critical habitat dakulang katabangan  an siring na bagay, dulo na sa aspetong eko-turismo.

Laen pa digdi an lakdang na maisabay an nasabing wetland sa east asian-australasian flyway network sa rason na ini saro sa mga lugar na binibisita kan mga migratory birds.

Sa pilipinas, anom an ramsar site, an agusan marsh sa mindanao, naujan lake sa mindoro, olango island wildlife sanctuary sa cebu, puerto princesa subterranean river national park sa palawan asin tubattaha reef national park sa sulu.

Broadcast Release: February 5, 2014