DENR Pinonan Na An Migratory Birds Census

An Department of Environment and Natural Resources Bicol sa paagi kan Protected Areas and Wildlife Division o PAW-D nagpoon na kan census para sa mga migratory birds o mga dakit na bayong sa Cabusao Critical Habitat sa Camarines Sur.

Sinabi ni Regional Executive Director Gilbert Gonzales na an census isasagibo sa tolong (3) sabado kan Enero na pinonan kan naka-aging Enero 11, 2014.

Tinawan nin doon ni Gonzales na an taunan na census kan mga dakit na bayong nakakatabang sa pagbantay asin pangataman kan mga ini sa satuyang lokalidad in koneksyon sa pangkinaban na pag-aaram kan padalagan sa mga migratory birds na harale pa sa iba-ibang parte kan kinaban.

Saiyang sinabi labi 8,500 na mga dayong bayong an namansayan sa cabusao kun saen kadaklan sa mga ini gikan sa mga species nin lagalag na pato buda talaog siring kan northern shoveller, philippine duck, northern pintail, pacific golden plover asin iba pang mga bayong sa baybayon.

Sa oras na matapos an report kan PAW-D ini ipapasa sa Asian Waterbirds Census o A-W-C na iyo mataytay kan mga datos.

Broadcast Release: January 23, 2014