“Biodiversity Conservation” Nasa Pangenot Na Prayoridad Kan D-E-N-R Ngonyan Na Taon

Nangako si Environment Secretary Ramon Paje na mantenido an “Biodiversity Conservation” sa paagi nin matanos asin epektibong pagmanehar kan mga “Protected Area” o P-A an saro sa mga pangenot na prayoridad kan Department of Environment and Natural Resources o D-E-N-R ngonyan na taon.

Sinabi kan pamayo kan D-E-N-R na ipagpapadagos man kan ahensya an implementasyon kan mga programa siring kan “Total Log Ban”, “National Greening Program” o N-G-P asin an bagong palisiya sa pagmina, na kabilang sa mga nakakaheras sa pangataman kan manlaean-laen na linalang sa “flora and fauna” dangan “habitat” o pig-eerokan kan mga ini sa nasyon.

Tinawan nin doon ni Sec. Paje  na an mga nasambit na programa kaiba na an nagkakanigong palakaw kan mga Protected Area an makakatabang sa paglikay sa dagos-dagos na biodiversity loss o pagkaubos kan mga linalang sa kadlagan asin nakakatao nin dakulang heras sa mga lakdang nin konserbasyon sa lado nasyonal asin internasyonal.

Idinagdag pa niya na sa ibabaw kan nagpapadagos na mga programa, an D-E-N-R “Biodiversity Team” iyo an nagsasairarom sa reporma kan istraktura kaini  tanganing mahampang an mga pagbabago kan nasabing sektor.

An Biodiversity Management Bureau (B-M-B) o an dating Protected Areas and Wildlife Bureau o PAW-B an may mandato para sa implementasyon kan naunambitang lakdang na segon kay Sec. Paje na-triple an fundo ngonyan na taon.

Broadcast Release: January 20, 2014