Coastal Reforestation Tatawan Doon Kan DENR

Dulo pang papakusogon kan Department of Environment and Natural Resources o D-E-N-R an pagpalangubo kan mga inaapud na mga "beach forest" o mga mabakhawan sa tahaw kan kalamidad na tuminama sa Eastern Visayas partikular sa probinsiya kan Leyte.

Tinawan nin doon ni D-E-N-R Bicol Regional Executive Director na an siring na lakdang an tatawan prayoridad kan ahensya tanganing mapabaskog an proteksyon kan mga baybayon tumang sa makukusog na bagyo buda subasko o storm surge asin iba pang kalamidad.

Sinabi ni RED Gonzales, na may instruksyon na si Environment Sec. Ramon Paje na an mga pagtatanom nin bakhawan mas tatawan nin dalan sa lindong kan National Greening Program o N-G-P.

Kasabay kaini, an D-E-N-R magkakaigwa nin inisyatiba na matamnam nin mga bakhawan an maabot sa 380 kilometro na baybayon sa sulnupang Visayas, asin iba pang mga lugar na napuho kan bagyong yolanda.

Sa lindong kan programa, matatawan nin kabuhayan an mga benipesyaryo na mataranom nin mga bakhawan na iyo an maserbeng "green wall" o panagang laban sa mga storm surge.

Broadcast Release: November 21, 2013