DENR Nagpirma Nin Kasunduan Para Sa Pagmukna Nin Bambusetum

Nagpirma nin kasunduan sa pag-ultanan kan Department of Environment and Natural Resources Bicol, lokal na gobyerno kan syudad kan Ligao, buda Filminera Resources Corporation para sa pagmukna nin bambusetum o patanoman nin botong saka bamboo gene bank.

An Memorandum Of Understanding o M-O-U na pinirmahan ninda Regional Executive Director Gilbert Gonzales, Alkalde Patricia Alsua, Rep. Fernando Gonzalez asin Filminera Compliance Manager Sulpicio Bernardo III iyo an may katoyohang muknaon an 15 ektarya na patanoman nin botong o kawayang tinik sa walong (8) barangay sa nasabing syudad mantang an bamboo gene bank ipapatugdok Sa Kawakawa Hill, Barangay Tuburan.

Ipinahayag ni RED Gonzales na sa nasabing lakdang magtatabangan an F-R-C, an D-E-N-R, an gobyerno lokal asin opisina ni Cong. Gonzalez para sa pagmukna kan patanoman.

 An Filminera matao nin mga materyal sa patanoman sa kantidad na 100,000 mil pesos, mantang an gobyerno lokal asin opisina kan congressman matao nin kaadalan sa mga benepisyaryo kan proyekto.

Maabot sa 15 klase nin botong an itatanom poon sa anos, bayog bikal sagkod laak na piglalaomang matao nin kabuhayan sa mga napiling benepisyaryo bilang mas baratong katukal kan mga produktong kahoy.

Broadcast Release: October 30, 2013