Iligal Na Troso Nakumpiska Sa Isla Cagraray

Sarong composite team kan Department of Environment and Natural Resources Cenro Legazpi saka Phil. National Police Maritime Group na nakabase sa Misibis, Bacacay, Albay asin Fisheries Law Enforcement Team an nakakumpiska nin sisenta y dos (62) na pidaso nin lumber hale sa mga maluyang klase nin kahoy sa barangay Namanday sa isla Cagraray.

Sosog sa impormasyon na ipinaabot ni CENRO Marlon Francia kay D-E-N-R Bicol Regional Executive Director Gilbert Gonzales, an kumpiskadong lumber maabot sa 1,151.47 board feet (bd ft) na pigkarkulong may kantidad na 42,604 pesos sa trente y siete (37.00) pesos kada board feet.

Natuparan an nasabing mga lumber sa dasidasian kan brgy. Namanday na nakalantad sana. Pinag-oogid naman kan CENRO kun siisay an kagibo kan iligal na pagputol nin kahoy mantang nasa kostudiya na kan barangay an mga kumpiskadong lumber.

An nasabing pinakusog na operasyon kan D-E-N-R katuwang an P-N-P sosog sa Executive Order No. 23 o an pagbabawal sa pagputol nin kahoy sa mga natural asin ika-duwang tambong kadlagan.

Broadcast Release: August 1, 2013