Demo Farm Pigmukna Kan Denr Sa Syudad Nin Ligao

An Department  of Environment and Natural Resources (D-E-N-R) Bicol sa paagi kan Ecosystem Research and Development Service nagmukna nin sarong (1) ektarya na demonstration farm sa Brgy. Nabunton sa syudad kan Ligao.

An nasabing proyekto na pinamayohan ni alicia bernadas kan Technology Transfer Division (TTD) magpapatambo nin mga molave (vitex panviflora) saka pili (canarium ovatum)sa lote na pagsadiri ni antonio porte.

Sosog sa impormasyon kan E-R-D-S, an pinagsunod na distansya sa pag-ultanan kan mga molave iyo an 3 metro (m) x 3m mantang sa pili naman 5m x 5m.

Kasabay kaini sinabi ni D-E-N-R Bicol Regional Director Gilbert Gonzales na magigin tampok sa demo farm an paggamit kan mycorrhiza technology o pagbugtak nin organikong abono o pataba sa mga pananom para magin mabaskog asin harayo sa kahelangan an mga poon.

“Abonong “mycorrhiza” marahay na klase nin biofertilizer na nakakaparikas nin pagdakula kan mga ugat sagkod napapakarhay an pagdadakit nin tubig saka nutrino sa pananom kun kaya nasisiguro an 80 porsyentong paglangubo kan mga banhi” segon kay Dir. Gonzales.           

Broadcast Release: July 29, 2013