DENR, Mga Stakeholder Nagtaranom Katakod Kan Arbor Day

An Department of Environment and Natural Resources (D-E-N-R) katuwang an mga stakeholder sa iba-ibang sektor nagkaigwa nin mahiwasang pagtatanom nin kahoy katakod kan pagselebra kan arbor day kasohapon.

Sinabi ni D-E-N-R Bicol Regional Executive Director Gilbert Gonzales, na sobra sa 400 mga partisipante an nagturuwang para maitanom an maabot sa 2,000 na mga banhi sa gilid kan salugan kan bonga sa barangay pawa kan syudad nin Legazpi.

Tinawan nin doon ni dir. Gonzales na an nasabing aktibidad sarong pagpapahiling kan kamawotan kan mga namamanwaan na makisumaro sa inisyatiba kan D-E-N-R na liwat patamboon an mga kahoy sa mga urbanisadong syudad.

Ipinahayag niya na an nasabing lugar nagin parte na kan mga sityo na sakop kan National Greening Program o N-G-P, na an kamawotan iyo an makapagtanom nin 1.5 bilyones na kahoy sa 1.5 milyones na mga ektarya nin daga sa nasyon.

Katakod kaini, ipinagsadol ni RED Gonzales na an Arbor Day, sarong okasyon pangkapalibutan na an kamawotan tungkusan an halaga kan kahoy asin pagtatanom kaini kan mga namamanwaan sa mga komunidad.

Broadcast Release: June 26, 2013