DENR, Probinsiya Nin Albay Pinangenotan An Pagtatanom Ki Bakhawan  Isla Cagraray

Sa tahaw kan pagromdom sa Environment Month sa bulan nin Hunyo, an Department of Environment and Natural Resources (D-E-N-R) Bicol buda gobyerno probinsiyal kan Albay pinangenotan an pagtatanom ki maabot sa 2,000 na bakhawan sa Barangay Manaet, Isla Cagraray, Bacacay, Albay Kasoodma, Hunyo 10, 2013.

Sinabi ni Community Environment and Natural Resources Officer Marlon Francia kan syudad nin Legazpi na an aktibidad parte kan Environment Month saka pag-andurog sa inisyatiba ni Gov. Joey Salceda na mapahibog liwat an bakhawan sa nasabing lugar.

Sa pahayag ni Board Member Arnold Embestro, pamayo kan I Love Albay Movement, tinawan nin doon kaini na an nasabing lakdang sarong paghahanda ngani masagang an epekto kan pagbabago nin klima (climate change) dulo na an paglangkaw kan tubig-dagat laen pa digdi an pangangataman sa mga klase nin pato asin ukay na yaraon nagsisirong sa Brgy. Manaet.

An Barangay Manaet sarong sirungan o santwaryo kan mga pato (Phil. Duck) saka ukay na sa Albay sana mahihiling.

An nasabing programa sarong Public-Private Partnership na pinag-anduyugan man kan Phil. Air Force, Office of Civil Defense, Phil. Army, Phil. Navy buda mga miembro kan media kabilang an Philippine Network of Environmental Journalists, Inc. Asin Albay-Legazpi Press Association, Inc. Katakod kan Environment Month.

Broadcast Release: June 11, 2013