DENR Matao Nin 55 Milyon Na Fundo Sa Plantasyon Nin Kape Sa Kampo Kan Militar

An Department of Environment and Natural Resources (D-E-N-R) maalokar nin 55 milyon pesos sa Department of National Defense (D-N-D) tanganing mafundohan an pagmukna nin  4,000 ektaryang (ha) plantasyon kan kape buda kawayan sa laog nin duwang kampo militar.

An siring na bagay napapalaog sa kasunduan sa pag-ultanan kan D-E-N-R saka tulong ahensya kan gobyerno na miyembro kan National Convergence Initiative o N-C-I - an Department of Agriculture (D-A), Department of Agrarian Reform (DAR), asin Department of Interior and Local Government (D-I-L-G) - kaubay an D-N-D para sa implementasyon kan National Greening Program o N-G-P.

An kasunduan iyo man an minatungkos sa pagdadayon kan D-N-D sa pagpapa-otob kan Flagship Reforestation Program ni Presidente Aquino.

Sa lindong kan kasunduan kan N-C-I/D-N-D, an D-E-N-R matao nin puhunan na pondong 5 milyon para sa inisyal na 200 ektaryang plantasyon nin kape sa Camp Kibaritan, probinsiya nin Bukidnon. Susuportahan pa kan D-E-N-R an natatadang 800 ektarya na mahimo kan 1,000 ektaryang patanoman.

Laen pa digdi an 50 milyon pesos na itatao para sa 3,000 ektaryang patanoman nin kawayan sa Fort Magsaysay sa Nueva Ecija.

Katoyohan kan nasabing programa na matabangan na madagdagan an hanapbuhay kan mga paraoma dangan matabasan an pagtios sa mga hararayong lugar.

Broadcast Release: May 21, 2013