Ocean Month Exhibit Kan DENR Binungsudan

Nagin makolor an pagbungsod kan Department Of Environment And Natural Resources (D-E-N-R) Bicol sa ocean month exhibit ngonyan na aldaw.

An aktibidad pinagdayonan kan mga stakeholder siring kan Naval Forces Southern Luzon (NAVFORSOL), Phil. Coast Guard (P-C-G), Phil. National police (P-N-P)- Maritime Group buda an iba-ibang sanga kan D-E-N-R.

Sa nasambit na ariponpon, tinawan nin doon ni D-E-N-R Bicol Regional Executive Director Gilbert Gonzales an halaga kan pangangataman sa mga bahura dulo na ta ini an nagseserbeng kadlagan kan kadagatan.

Saiyang sinabi na an ahensya katuwang an puersang pangseguridad kan gobyerno arog kan Phil. Navy, P-C-G saka P-N-P Maritime padagos an mga inisyatiba tanganing maprotehiran an mga rekursos sa kadagatan.

Ipinahayag ni Director Gonzales na sa ngonyan nakabiklad na an inisyatibang Sustainable Coastal Reef Ecosystem Management Program o SCREMP.

Kasumpay kaini, tinawan nin asegurasyon ni Commodore Manuel Abinuman na an Phil. Navy pigseseguro an kaligtasan kan kadagatan tumang sa mga iligal na aktibidad arog kan iligal na pagsisira dangan pangangataman kaini.

Broadcast Release: May 15, 2013