DENR Nakakumpiska Ki 1,474 bd. Ft. Nin Kahoy Sa Catanduanes

An pinagsarong katiriponan kan Department Of Environment And Natural Resources (D-E-N-R) saka Phil. National Police – Criminal Investigation and Detection Group (P-N-P/C-I-D-G)  nakakumpiska nin 26 na tabas nin kahoy na maabot sa 1,474 board feet (bd. ft.) Sa Virac, Catanduanes.

Sinabi ni D-E-N-R Regional Executive Director Gilbert Gonzales na sosog sa impormasyon kan Community Environment And Natural Resources Office (CENRO) kan Virac, nanumpungan an nasambit na mga tinabas na kahoy nin mahogany na abandonado sa barangay tubaon kan mayo 5, 2013.

Nakakumpiska man nin sarong yunit ki chainsaw an grupo na pigtutubudang binayaan kan mga kagibo kan iligal na pagputol nin kahoy.

Sa ngonyan pigpapa-irarom na sa Administrative Confiscation Proceeding an mga kumpiskadong troso saka chainsaw.

Broadcast Release: May 7, 2013