Oplan Baklas Suportado Kan DENR

An Department of Environment and Natural Resources (D-E-N-R) makusog na minasuporta sa Joint Task Force Oplan Baklas na pinangenotan kan Commission On Elections (COMELEC) na an kamawotan pukniton an mga campaign materials na pinadukot sa mga poon nin kahoy dangan itong laen sa common poster areas.

Sinabi ni D-E-N-R Regional Executive Director Gilbert Gonzales na nagin marahay an resulta kan pinagsarong kampanya kan task force na kompuesto kan COMELEC, D-E-N-R, Department of Interior and Local Government (D-I-L-G), Phil. National Police (P-N-P), Bureau of Fire Protection (B-F-P) asin Armed Forces of the Philippines (A-F-P).

Katakod kaini, ipighayag ni Dir. Gonzales an sinagibong operation baklas sa syudad kan Legazpi kasoodma, (mayo 1) na pinangenotan ni CENRO Marlon Francia kairiba an Joint Task Force kun saen tambak-tambak na campaign materials an pinagparaknit kan grupo asin kinumpiskar mala ta nagsuhay an mga ini sa Presidential Decree 953 saka Republic Act 9006 o an Fair Election Act.

Mientrastanto, ipinagtaong kwenta ni Dir. Gonzales sa hunta kan task force an magigin disposisyon sa mga nagkakurumpiskar na campaign materials saka an posibleng lakdang kontra sa mga nagsuhay na kandidato.

Broadcast Release: May 2, 2013