World Bank Pinili An Pilipinas Na Pilot Country Sa Green Accounting

An nasyon Pilipinas an napili kan World Bank kaiba an apat na iba pa bilang pilot countries para sa implementasyon kan programa na nagdadayon kan balor kan rekurso natural sa National Accounts.

Ipinahayag ni D-E-N-R Regional Executive Director Gilbert Gonzales na ini natungkusan matapos an pinartisiparan na ministerial meeting ni Environment Sec. Ramon Paje manongod sa Natural Capital Accounting (N-C-A) o an pig-aapud Na Green Accounting.

Segon kay Dir. Gonzales, ipinahayag kan kahilom na an Pilipinas, kagubay an Botswana, Colombia, Costa Rica asin Madagascar an maserbeng katood sa pagpapa-otob kan Wealth Accounting and Valuation Of Ecosystem Services (WAVES) project kan World Bank.

An WAVES ay an sarong katiriponan kan mga nasyon na may kamawotang tungkusan an Sustainable Development sa paagi kan pagseguro na an National Accounts na gamit sa pagsukol buda plano para sa progresong pang-ekonomiya nasasalakan kan balor o batas kan rekurso natural.

Naniniwala an departamento na an programa nasa tamang oras saka mahalaga dulo na ta an administrasyon nangengenot sa Environmental Conservation sa paagi kan sustenableng progreso.

 

Broadcast Release: April 24, 2013