Bagong Code Of Practice Sa Refrigeration And Airconditioning Ipinaluwas Kan DENR

Bagong kodigo o code of conduct an ipinaluwas kan Department Of Environment And Natural Resources (D-E-N-R) para sa industriya nin Refrigeration And Air Conditioning (RAC) matapos an phase-out  o pagbura kan mga Chloroufluorocarbons o C-F-Cs siring man an iba pang mga Ozone Depleting Substances (O-D-S) o mga substansya na nakakapaninis kan ozone layer.

An nasabing code of practice o C-O-P para sa sektor kan refrigeration asin air conditioning iyo an minapanibago sa orihinal na kodigo kan 2002 nganing maisalak an mga makabagong sistema buda teknolohiya sa ngonyan asin makatabang na maisapod an kapalibutan.

Ipinahayag ni D-E-N-R Bicol Regional Executive Director na mahalaga an siring na pagrepaso tanganing magiyahan an apektadong sektor sa mga makabagong panundanan siring man maisadol an modernong teknolohiya na makakatabang sa paglilikay na madanyaran an kapalibutan.

Idinagdag pa ni RED Gonzales na dati man na Assistant Director kan Environmental Management Bureau na an rinepasong C-O-P matotok sa mga subheto siring kan conversion kan refrigerants asin an paggamit nin mga alternatibo sa C-F-Cs asin ibang O-D-S. Kabilang pa digdi an pagkakapot, pagsasaray, pagresiklo, pagkolekta, pagbabyahe asin pagtatapok kan mga refrigerants.

Ipinaliwanag pa ni Gonzales na an Technical Education and Skills Development Authority o TESDA an masalak kan bagong C-O-P sa kurikulum para sa kursong Refrigeration And Airconditioning Servicing.

Broadcast Release: April 23, 2013