3,800 Dolyar Na Premyo Naghahalat Sa Manggagana Sa ACB Photography Contest

Nag-hahagyat nin pagdayon an Asean Centre For Biodiversity (A-C-B) saka G-I-Z sa mga propesyonal saka adal na retratista sa “Zooming In On Biodiversity And Climate Change Photography Contest”.

Sinabi ni Rolly Inciong, Public Affairs Officer kan A-C-B na sa paagi kan pagkua nin ladawan, an mga retratista makakatabang na isadol an kambal na isyu kan biodiversity o buhay-layas saka climate change o pagbabago kan klima.

An palihan bukas sa gabos na mga syudadano kan mga nasyon na miyembro kan asean siring kan Bruneis Darussalam, Cambodia, Indonesia, Lao PDR, Malaysia, Myanmar, Pilipinas, Singapore, Thailand buda Vietnam.

An mga i-entrang ladawan kaipuhan para sana sa nasabing palihan asin ini dae pa nailagda o naidayon sa iba pang patiribayan.

An mga entra kaipuhan pinaglaladawan an dapit sa buhay-layas buda pagbabago kan klima siring kan pagbaha, tigmara, kasulo sa kadlagan, mga ladawan na nagpapahiling kan epekto kan climate change sa biodiversity asin retratong nagpapadayaw kan mga paagi kan mga tawo na malikayan an pagbabago kan klima.

An palihan sagkod sa Hulyo 31, 2013 na may tulong kategorya, professional, amateur saka student.

Para makakua nin opisyal na pormularyo saka panundanan dumanon an internet address o kikilyawan na photocontest.aseanbiodiversity.org.

Broadcast Release: March 20, 2013