DENR HINAGYAT AN MGA BIKOLANO NA MAKISUMARO SA EARTH HOUR

 

Pagkakataon na naman kan mga bikolano na ipihiling an saindang pakikisumaro sa paagi kan pag-palsok kan mga ilaw na bako mahalaga sa laog nin sarong oras sa Marso 23, kasabay kan pag-obserba kan earth hour sa bilog na kinaban.

Ipinahayag ni D-E-N-R Bicol Regional Executive Director Gilbert Gonzales na an earth hour an pinakadakulang pangyayari para sa karahayan kan kapalibutan sa historya. 

Ini man minaserbeng pinakamalinaw saka dramatikong lakdang sa pagtungkos kan pagkaborogkos para sa magayon na kawsa kun saen an mahiwasang pagparong nin ilaw nakakatabas sa konsumo sa elektrisidad, na mapalumbay sa pagtambak nin carbon dioxide sa atmosfera na iyo an lyabe sa pagbabago nin klima.

Hinagad ni Dir. Gonzales an pakisumaro kan gabos sa earth hour na mapoon alas-8:30 sagkod 9:30 nin banggui.

An D-E-N-R Regional Office mapartisipar sa isasagibong programa kan I Love Albay Movement sa syudad nin Legazpi sa nasambit na aktibidad.

Poon kan taon 2009, mantenido an pilipinas na may pinakadakul na gobyerno lokal na nagdadayon sa aktibidad, kun kaya itinao digdi an bansag na "earth hour hero country."

Broadcast Release: March 21, 2013