Impestasyon Sa Mabakawan Sa Cagsao, Calabanga Pigsiyasat

Matapos na mamatean an impestasyon sa mabakawan sa Cagsao, Calabanga, pig-ogid na kan Department Of Environment And Natural Resources (D-E-N-R) Bicol sa paagi kan Ecosystem Research And Development Service (E-R-D-S) an hewas kan dinurunan.

Sa pagsiyasat kan personahe kan E-R-D-S kasunod kan kahagadan ni Alkalde Evelyn Yu kan Calabanga, napag-araman na haros 80 porsyento kan tres anyos na 5 ektaryang (ha) mabakawan an sinakob kan peste, sarong klase nin layog-layog o gamu-gamo.

Sinabi ni Pest Surveillance Officer Feliciano Lauricio, Jr. na an nameste iyo an layog-layog na pig-aapud na tussock moth (lepidoptera:lymatriidae) na kun saen an antataro o catterpilar pigkakaon an kagiriran kan mga dahon pwera kan darakulang gamot. Kun kaya an resulta nagigin luyos an parte o kagabsan kan mga bakawan idinagdag pa niya.

Saiyang sinabi na kayang-kaya malapwasan kan 3 taon na plantasyon an siring na pamemeste.

Nagkakapira sa mga lakdang na ipinagrekomendar kan D-E-N-R sa gobyerno lokal iyo an pagwirik-wirik nin sabon na may salak na rinonot na lada, paglilinig sa plantasyon o pagtangkas mano-mano sa mga antataro saka an pagbubugtak nin mga light traps o ilaw-atbong sa nagkakapirang lugar para mapuho an mga layog-yaog.

 

Broadcast Release: October 22, 2012