DENR Bicol Mamukna Nin Forest Pest Assessment Team

Apesar sa pagbantay sa ilegal na pagputol nin kahoy, kaipuhan naman na reparohon kan Department Of Environment And Natural Resources (D-E-N-R) an mga peste, magin fungi o insekto.

Sa tahaw kaini, nagsagibo nin Community-Based Forest Protection And Integrated Pest Management Workshop an D-E-N-R Bicol kun saen nagdayon an iba-ibang stakeholders, forest rangers saka forestry extension officers sa rehiyon.

Sinabi ni D-E-N-R Bicol Regional Executive Director Gilbert Gonzales na mahalaga an papel kan mga forest guards o bantay gubat buda stakeholders sa pagbabantay kan mga kabubuldan sa rehiyon kontra sa illegal na pagputol nin kahoy dulo na sa pagreparo kan paglakop nin mga peste.

Saiyang tinawan nin doon na mantang, nasa katahawan kan kampanya na mapalangobo liwat an mga poon nin kahoy sa kabubuldan sa paagi kan national greening program, mahalaga na mapangatamanan an mga bagong tambo kontra sa mga peste.

Enot kaini, nagpaluwas nin orden (Department Administrative Order (Dao) 2012-05 si Environment Sec. Ramon Paje sa mga Community Environment And Natural Resources Office (CENRO) na magmukna nin Forest Surveillance and Monitoring Officer o F-S-M-O.

Dahel kaini, magigin kabilang sa trabaho kan mga CENRO an pagbabantay sa mga peste sa kabubuldan dawa igwa nin pagduduron/impestasyon o wara.

 

Broadcast Release: October 19, 2012