RDC Inaprobahan Na An Feasibility Study Kan Albay Tres Quinali Watershed Management Project

Pinalmente nang inaprobahan kan Regional Development Council o R-D-C an feasibility study na pinangenotan kan Department Of Environment And Natural Resources (D-E-N-R) Bicol para sa Albay Tres Quinali Watershed Management Project (A-T-Q-W-M-P) kan Setyembre 28, 2012.

Sa pagtiripon kan R-D-C, nag-oyon an konseho na magtagama nin 4.7 bilyon pesos na pundo para sa pag-implementar kan proyekto na igwang walong component.

Sa lindong kan proyekto ini iyo an 1. Institutional Strengthening; 2. Development Interventions by Ecosystem and Appropriate Zones; 3. Irrigation Facility Development and Support to Quinali Rice Production Areas; 4. Flood Control; 5. Development of Relocation Sites; 6. Oas-Cagmanaba alternate road; 7. Integration of Ecotourism/Agrotourism Development Zones; 8. Pollution control.

Parte kan iskema sa pagpa-otob kan proyekto iyo an pagsasaro kan nagkakapirang ahensya kan gobyerno nasyonal  arog kan D-E-N-R, Department of Public Works and Highways (D-P-W-H), Department of Agriculture (D-A), Department of Agrarian Reform (Dar) saka National Irrigation Authority (NIA) saka gobyerno lokal siring man mga stakeholder tanganing makamtan an mga katoyohan kan A-T-Q-W-M-P.

An Albay Tres Quinali Watershed Management Council Project  iyo an pinapamayohan ni Gov. Joey Salceda kan Albay, na kompuesto kan mga banwaan kan Libon, Polangui, Oas, Guinobatan, Camalig asin syudad nin Ligao.

 

Broadcast Release: October 5, 2012