DENR Naglangkaw An Marka Sa Good Governance Sosog Sa Sws Survey

Nagpasalamat si Environment And Natural Resources Sec. Ramon Paje sa sektor nin negosyo sa pagtao nin halangkaw na marka sa ahensya sosog sa resultado kan sincerity survey na ipinaluwas kan Social Weather Stations o S-W-S.

Saiyang sinabi na an resulta nagpapahiling sana kan halangkaw na paglukso kan D-E-N-R rating hale sa "bad" o maraot -34 na marka kan taon 2009 pasisiring sa +1 ngonyan na taon kasabay an pagtatao nin doon na an pag-aagi kan ahensya sa "matuwid na daan" o matanos na dalan diit-diit nang nagbubunga.

An marka, ipinagpresentar durante kan pinakahuring Second Integrity Summit, iyo an resultado kan Survey Of Enterprises On Corruption na isinagibo kan hulyo 16 sagkod setyembre 14, 2012.

Naoogma si Paje sa pagsasabing boot ibayabay kaini an D-E-N-R bilang saro sa mga Regulatory Agencies na nagbabalik na an kumpyansiya kan publiko sa mga kampanya kontra sa korapsyon.

 Idinagdag pa niya na atribuido an siring na bagay sa padagos na matanos na lakdang kan ahensya siring kan paglilinig kan ahensya sa mga bako toltol personahes saka pagharubay nin transparency o mabansay na transaksyon na bukas sa publiko.

Sa presente, 60 personahes na kan D-E-N-R an tinangkas sa serbisyo o suspendido, 34 an sinangatan nin nagkakanigong kaso mantang 176 an pig-iimbestigaran. Kairiba sa mga suspendidong empleyado an 31 opisyales na pigsasabing nagkulang sa espwerso na mapuho an ilegal na pagputol nin kahoy sa Caraga Region.

 

Broadcast Release: October 3, 2012