DENR Executive Napiling Pamayohan An Asean Centre Of Biodiversity

Sarong pangenot na opisyal kan Department Of Environment And Natural Resources (D-E-N-R) an pinakahuring nanomraran bilang pamayo kan Asean Centre of Biodiversity (A-C-B) na may Concurrent Capacity.

An pagkakapili kay Undersec. Demetrio Ignacio bilang Acting Executive Director enot nang inaprobahan kan junta direktiba kan A-C-B durante sa ika-14 pagtiripon kan Agosto 26-29 2012 sa Siem Reap, Cambodia.

Sa pahayag kan A-C-B, sinabi kaini na mantang Acting Executive Director si Usec. Ignacio, siya an natokahan sa Policy Guidance saka Operational Supervision kan organisasyon sagkod sa may ma-elehir nang bagong Executive Director. Sagkod sa presente, an proceso sa pagpipili iyo an pigmamandohan kan asean secretariat.

Si Usec. Ignacio iyo an Asean Senior Official On The Environment kan nasyon buda miembro kan junta direktiba kan A-C-B. Mahiwas an kaaraman dangan adal ni Ignacio kon saen kadakul na beses na siyang nagin pamayo nin mga delegasyon kan pilipinas sa nagkakapirang multilateral agreements. Presiding Officer man siya kan Pollution Adjudication Board saka National Water Resources Board, dangan Supervising Official For The Water Sector And International Affairs.

 

Broadcast Release: October 1, 2012