Notice Of Adverse Findings Ipinaluwas Sa Sarong Small Scale Na Minahan

Matapos an mahigot na imbestigasyon kan Department of Environment and Natural Resources (D-E-N-R) sa paagi kan Environmental Management Bureau (E-M-B) V, ipinaluwas an Notice of Adverse Findings (N-A-F) kontra sa sarong small scale na minahan na nag-ooperar sa Napaod, Labo, Camarines Norte.

Ini sa tahaw kan reklamo ni Rep. Renato J. Unico kan daet onong sa Illegal Small Scale Mining Operation saka Illegal Shipment nin Iron Ore kan operator na si Nonie Besa.

Nagluwas sa pag-oogid kan E-M-B na an minahan tinawan nin Temporary Small Scale Mining Permit kan gobyerno probinsyal kan Camarines Norte pabor kay Besa alagad ini pigmamanehar kan Bohai Top International Mining Corp. Sa kakusgan kan sarong Deed Of Assignment.

Napag-araman pa na warang Environmental Compliance Certificate o E-C-C an itinao sa minahan pwera pa sa paggagamit nin heavy equipment na suhay sa ipinapa-otob na Republic Act 7076 o an People’s Small Scale Mining Act. Napatunayan man na nakapagpadara nin kalakal na iron ore an minahan sa paagi kan sarong pribadong puerto.

Ipinag-endorso naman sa mga nagkakanigong ahensya an resultado kan imbestigasyon dangan pig-aadalan na an penalidad na ipapataw kontra kay besa buda mga pag-iriba kaini.

 

Broadcast Release: September 27, 2012