Panghahabon nin Konpiskadong Lumber Nadakop kan Legazpi PNP

Sa tabang kan mga kapupulisan nadakop an mga mahabon nin kumpiskadong lumber sa Community Environment and Natural Resources Office (CENRO) Legazpi City kan nakalihis na sabadong maagahon (Hulyo 21, 2012).

Sosog sa impormasyon ni CENR Officer Marlon Francia kan Legazpi City, may mga suspetsadong mahabas na nagtataban nin kumpiskadong mapilig lumbers sa CENRO Legazpi alagad, nadakop kan nagpa-patrolyang pulis.

 

Basado sa pangenot na imbestigasyon ni Forester Cesar Balderama, kinumpirmar na may nagkawarara man nanggad na mapilig lumber sa kumpiskadong behekulo na may plakang W-T-T-913.

Padagos an imbestigasyon kan D-E-N-R sa insidente tanganing maaraman an totoong mga pangyayari dangan an pagpanimbag sa mga inbuelto.

Mientrastanto, ipig-pangako ni DENR Regional Executive Director Gilbert C. Gonzales na ipapa-otob an bilog na kusog kan leye sa gabos na mapapatunayan na sangkot sa panghahabas nin lumber sa opisina kan CENRO Legazpi.

Broadcast Release: July 23, 2012